Florian Agalliu ka folur për herë të parë për sherrin e tij me Ben Blushin në “Top Channel”. Ai u largua nga emisioni “Në shtëpinë tonë” bashkë me bashkëshorten Renisa Shabani, e cila ishte autore e programit që prej fillimit të tij. Në një intervistë për Kastro Zizon, ai ka rrëfyer për herë të parë se i është cënuar dinjiteti.
“Shiko, unë nuk e kam folur këtë pjesë në media, por meqë po më jepet rasti po e them çfarë ka ndodhur. Unë kam vendosur të jetoj me dinjitet dhe e kam shprehur kudo që kam shkuar. Për sa kohë me preket dinjiteti nga marrëdhëniet në punë, dal nga vetja. Pranoj të jetoj i lirë dhe me kokën lart ashtu si dua unë se sa të jem i varur…
Në momentin që merr përsipër të flasësh me një epror tëndin, duhet të flasësh për marrëdhënie pune, ashtu siç flitet. U agravua situata dhe preferova të shkëpus marrëdhëniet sesa të vijoj të punoj me të njëjtat intonacione të përditshme,” tha ai.
